Biskup  Pavel Peter GOJDIČ‚OSBM - mučeník

AKAFIST svjaščen. Pavlovi P.Gojdičovi
 

 spev   akafistimage

 

 

V marci tyjač devjaťsto dvadcjať semoho roku* byv jes ,otče vysvjačenyj na vladyku*
jak virnyj syn našoho naroda* bo taka byla voľa Hospoda*
poťim namistnik Christa - otec svjatyj*
tobi podaruvav nahrudnyj krest zlatyj* na znak kresťiv,kotryma ťa Hospoď obdaruje*
Ty ho prijav i ďakovav spivom  :Aliluja.



Mučeniku Pavle blahoslovenyj* svjatym otcjom za vladyku ustanovlenyj*
pro svoju ľubov i dobrotu* prosime ťa, vypros nam prosbu totu:*
Vymoľ pro nas - grekokatolikiv* tvojich dostojnych nastupnikiv*
kotry by nas z ľubvov zastavali* a vjedno z nami ťa ospivovali :

-Raduj sja, zlate serdce greckokatolikov
-Raduj sja, naďijo rodoľubnych virknikiv
-Raduj sja, krasoto našoho obrjadu
-Raduj sja, perlo nebesnoho pokladu

-Raduj sja, vladyko čistoho žyvota
-Raduj sja, chraniteľu svjatoho kivota
-Raduj sja, svjatiteľu virnyj Rimu
-Raduj sja, vjazňu bezbožnoho režimu

RADUJ SJA, VLADYKO SERDCJA ZLATOHO !
 
 

Місяць юл є засвяченый нашому русиньскому пряшівскому єпіскопови, блаженому Павлові Петрові Ґойдичові.

Перешли 3 рокы од выданя історічного першого ЦД в русиньскым языку, котрый так любів і основатель Ґрекокатолицькой харити в Пряшові владыка Ґойдич. ЦД вышло на благу память нашого Русина, єпископа - мужа золотого сердця. А я єм дуже рад, што сполочно з ведучов Дому св. Фаутины во Свіднику п.Геленов Паньковов ся за помочі блаженого Павла, подарило зреалізовати тото діло до кінце. Хто спиват двараз ся молит а прославлят Господа Бога. А так то было і з дївчатами зо співацькой ґрупы Фаустинкы. Бог і через їх русиньскый спів , і кідь не-были Русинкы нераз робив великы чуда. Дївчата своїм співом нераз доказали выкликати слызы щастя, надії а розогрїти неєдно і тверде сердце. А я єм дуже рад, што зістало велике свідоцтво , же і стріча при нацвікох доказала нам сполочно ближше похопити змысел жывота, котрого выслїдком было тото вшытко записати на славу а почесть нашого блаженого єпіскопа Павла Петра Ґойдіча. Дякуєме Ті о.Павле, же все при нас стоїш а і з такой малой роботы, єсь доказав зробити велике чудо котре на все зістане в історії Ґрекокатолицькой харіты в Пряшові, котру єсь сам основав в часї своёй нелегкой єпіскопской службы. Бог любов – любим єго  !

 

https://www.facebook.com/tmbabjak/posts/pfbid02um3xbvuF4rkHGsKXAUKc4QK8HUi2UWLudkEtt8xzDrb3f8Z6ASFRm5CuUmFBbAwrl